Plakáhta
DIEĐALAŠ DUTKAN INDUSTRIIJALAŠ PROGREŠUVDNA JA FITNODATOVDÁNEAPMÁI
Lea duođaštuvvon diehtu ahte servodatdilit ja váldestruktuvrrat leat seahkánan eamiálbmotdutkamiin ja hábmen eavttuid stivremii. Muhto dál galggašii geahččat dárkileabbo man láhkai dutkan sáhttá čuohcan stivrema ja politihkka. Gaskavuođat Norgga servodaga ja sámi álbmoga gaskkas jagiin 1850- 1980 duođaštit dan man láhkai dutkan lea ávkin nationála vuoruhemiide ja oktasaš konvenšuvnnaide.
Dát plakáhtta 1945 rájes govahallá višuvnnaid Norgga čálgostáhtii nuppi máilmmisoađi maŋŋá. Duktan galggašii movttiidahttit ođđa teknihka geavaheami ja doarjut industriijalaš ovdáneami, eiseválddit lohpidedje ekonomalaš šaddama miehtá riika. Muhto dán jurdaga vuođđu leai duššefal Norgga jurdagat beaktilvuođas ja moderniteahtas. Guolásteami industrialiseren čuozai bahás láhkai mearrasámiide ja sin resurssavuđđui. Dasa lassin dagahedje eanandoallodieđa ja márkanekonomiija ulbmilat sámi boazodoalus duođalaš riidduid stivrema hárrái. Odne muittuha plakáhta ”Progress” ahte leai haddi mii galggai máksojuvvot Norgga stáhta sisriikkalaš miellahtuin.
Válgaplakáhta:”Mii hukset Norgga boahtteáigi”(«United we build the future of Norway»). Norgga Bárggidbellodat (Det Norske Arbeiderparti) 1945.
Teavsttat leat jorgaluvvon dávvesámegillii girječálli John Erling Utsis ja Camilla Brattland, Norgga árktalaš universiteahttamusea, lea divvon daid.
