Gieskat leat dieđalašvuođaservodaga čalmmit guođđán eamiálbmogiid ja gehččet dál daid dutkiid geat dutket eamiálbmogiid ja daid servodatproseassaid mat leat mudden dákkár dieđuid buktagiid meari ovdalaš áiggis ja dálá áiggis. Dát rievdan lea dagahan ahte ”dutkamat dutkiid birra” lea stuorrun sisriikkalaččat ja post-kolonialalaš dutkamiin gaskariikkalaččat, ja lea buvttadan dohkiid dutkama historjjáin dieđalaš disipliinnain nugo antropologiijas ja dieđalašvuođahistorjjás.
Vaikko lea nu de lea dutkan sámiid birra dán rádjái leamaš oalle hárvi. Erenoamážit odne eai gávdno transnationála, buohtalasti dutkamat mat sáhtáše searvat akademalaš máhttui sámiid birra davviriikkain. Oassesivva dása leat dat giellarájit mat sirrejit dutkama Suomas, Ruoŧas ja Norggas. Buoridan dihte dán váilevašvuođa leat mii čohkken riikaidgaskasaš ja maŋggadisipliinalaš joavku maid sáhtta daid rájiid rasttidit, ja analyseret servvodataláš dimenšuvnnaid sámi dutkamis. Dán dutkansuorgi lea stuorrun sihke servodatlaš ja dieđalaš dehálašvuođain dáid maŋemus jagiin.
Dát web-báiki fállá oanehis teavsttaid juoigan-slam vuoiŋŋas, mat bohtet dan suokkardeamis man Societal Dimensions of Sámi Research dutkanjoavku lea čađahan. Guhtege áirras joavkkus bovdejuvvui válljet objeavtta mii soames lágan gulai tekstii. Dutkanjoavkku akronyma lea SoDi-Sámi.
Teavsttat leat jorgaluvvon dávvesámegillii girječálli John Erling Utsis ja Camilla Brattland, Norgga árktalaš universiteahttamusea, lea divvun daid. Eŋgelasgiel teavsstat leat divvun Stephen Wickler bokte, Norgga árktalaš universiteahttamuseas.
About the online exhibition (English)